اخر تحديث الخميس 15-10-2009/2100
جواب صالح حسين العمري

على الشاعر/ الخالدي (رحمه الله)

/

من ياالله اليوم صالح قال في كل حين                  يا حاكم الحق سمعني منادي إذانة

من بين لصوات صوت الحق كن لة معين            والباطل اقطع حبالة قطع بالهندوانه

وصلح وطنا وتجعلنا من الصالحين                     ولا تولي علينا كل من به شطانه

ذي مايخافك ولايرحم من الظالمين                      لا تسعده لاتعينه لاتقوي متانه

سالك مسائل عزيزه عزنا لا تهين                    وامن بيدك ثياب العز لا ما الهيانه

وبعد باقول حيا الله بالواصلين                        ملان لبعوس يدهم ذي تعلى ركانه

رحبت انا واهل ذي ناخب بتدحن دحين            قالوا لي اكفة وجاوب بالنسم والفهانه

لا تشتجن لا تسوي شي بقلبك شجين                 رعها عوافي ومدحونه بيافع دحانه

قم يا رسولي توكل لك مع العازمين                وديعك الله وبن علوان سعف الركانه

احمد علي لا قد ازهبها شحنها شحين              يمشي على الميل والسابع بعقل الزكانه

سر بالدقيقه  ومر ا بين مع الجازعين                  وادخل عدن واقصد الصاحب ومولا الفطانه

الخالدي ذي تدرب علمكاين مكين                   قالوا تحصل على رتبة عسا بالإعانه

يهنا لبو لوزة ان ما هو من العاجزين                شتا  وصيف ورده قشط بغلا ثمانه

ما يستوي  الجنب ليسر مثل جنب اليمين                   ودلو أدخلة سبت الماء ملانه

من عطر رشاش رشه ودهنه به دهين               شيمه ومقدار يتقسم على اهل الفنانه

لاتخبرك قله المحكى افتهم لي وبين                      من بعد ذا اليوم من شايف مع اقبل ظمانه        

تسلم الحق معاشي بقى للضمين                   كلن حسابه معه بيده وظمه بيانه

مواسم الصيف فاته والخريف الرزين                ذي منها سا من الماطر لراسي كنانه

حتى ولا ثور الخامس مع هل حنين              جاهم بلا رعد مفسوخ ارياح من جحانه

انته كن احلم ونا عبر بها كل حين                      عانا برا الجيم عرض القاف بيدحن دحانه

دحنات عافية بيطن المعافا طنين                    هتف لي لا القلب ونبهني بها بادجانه

يالخالدي محكى الشك اقطعه باليقين                شفها بتلتاح لي بيضاء كما القصطوانه

متكاتفه من على يد الزعيم الأمين                   لا انا ولا انته نفرق بين لمت صحانه

ما عذر من خير با نوقف مع الواقفين                    حرام لزعاج فيما يسلي البهلونه

ذكرتني الجيش والثوار المخلصين                   عسى يحقق امل من في طريق الأمانه

انهو عمل شعب يد الله مع العاملين                       بناء وتعمير والباني يطول زمانه

ون حد له اغراض شخصيه تقع به طحين             لالي ولالك تقع رظمه كراسي الخيانه

كملت دعاي وتشفوا بي الكارهين                    ون قلت با اسكت قالوا سكتة ذا كهانه

زحفت مليت من ماصيح يا مسلمين                 شايف بيحجز وابو حسنين يخلص اوانه

محزاتك البنت لاهي ثورة اربع سنين                لا افتش مغطى وعلم الغيب لة عز شانه

قامه بنصرا من المولى وفتح مبين                     وحققه نصر للجمهور بعد إمتحانه

ذي حقق الخامسة وأمن بها الخائفين                  سلمنا الله من اهوال الفتن وإمتحانه

وانت افتني من ولد ناصفت عمره دفين            من عقلة الشر والخير ابيجي من قرآنه

كم هي خواطر ذي اسليها وكم يا انين                  موته نفاعه وعافيته سلا وافتهانه

منه جهنم ومنه جنه الطيبين                          لا شلته ريح صرصر سوقيده بنانه

واذكر نبي ذي طلع دينه على كل دين                حبيب الاسلام ذي شرف الله مكانه

وامن حضر لا تملوا سيد المرسلين                               ذي خصه  الله   وكرمة في جنانه

الشاعر/صالح حسين العمري

القائمة الرئيسية يافع

 

القائمة الرئيسية عدن

 
 

blogger statistics